ដោយ: សហសេវិក
អន្តរជាតិ: តម្លៃប្រេងឆៅបានកើនឡើងតិចតួចនៅថ្ងៃសុក្រនេះ ខណៈយន្តហោះគ្មានមនុស្សបើករបស់អ៊ុយក្រែនបានកំណត់គោលដៅវាយប្រហារលើទីតាំងផលិតប្រេងរបស់រុស្ស៊ី ហើយការបិទផ្លូវរបស់សហរដ្ឋអាមេរិកបានដាក់សម្ពាធលើការនាំចេញប្រេងរបស់វេណេស៊ុយអេឡា។
រុស្ស៊ី និងអ៊ុយក្រែន បានចោទប្រកាន់គ្នាទៅវិញទៅមកអំពីការវាយប្រហារលើជនស៊ីវិលនៅថ្ងៃចូលឆ្នាំថ្មី ទោះបីជាមានកិច្ចពិភាក្សាក្រោមការសម្របសម្រួលរបស់ប្រធានាធិបតីអាមេរិកលោក ដូណាល់ ត្រាំ ដែលមានគោលបំណងបញ្ចប់សង្គ្រាមជិតបួនឆ្នាំរវាងប្រទេសទាំង២យ៉ាងណាក្តី។
តួយ៉ាង តម្លៃប្រេងឆៅ Brent future បានកើនឡើង២២សេន ដល់៦១,០៧ដុល្លារក្នុងមួយបារ៉ែល គិតត្រឹមម៉ោងសកល 0833 GMT ខណៈតម្លៃប្រេងឆៅ West Texas Intermediate របស់សហរដ្ឋអាមេរិក បានកើនឡើង២២សេនដូចគ្នាដល់៥៧,៦៤ដុល្លារក្នុងមួយបារ៉ែល៕
