ភ្នំពេញៈ ជាពលរដ្ឋកម្ពុជាម្នាក់ ដែលបានតាមដាន និងឈឺចាប់ដោយសារសង្រ្គាម ដែលថៃឈ្លានពានមកលើកម្ពុជា ពលរដ្ឋកម្ពុជាមួយរូបបានផ្ញើរលិខិតទៅកាន់មេដឹកនាំពិភពលោក។
ដោយមានកិត្តិយសខ្ពស់បំផុត យើងសូមអំពាវនាវដល់ការដឹកនាំដ៏មានតម្លៃរបស់ឯកឧត្តម ដើម្បីលើកទឹកចិត្តឲ្យប្រទេសថៃ គោរពតាមកិច្ចព្រមព្រៀងកូឡាលាំពួរ។
ប្រជាជនកម្ពុជា ជាពិសេសកុមារ កំពុងតែទទួលរងការលំបាកឃ្លាតផ្ទះសម្បែង មិនបានទៅសាលារៀន ជម្រក និងសាលាពួកគេមួយចំនួនត្រូវបានបំផ្លាញ ដោយសារតែភាពតានតឹង បន្តបន្ទាប់តាមព្រំដែនកម្ពុជា ហើយតម្លៃមនុស្សធម៌គឺធ្ងន់ធ្ងរពេក មិនអាចមើលរំលងបានឡើយ។
ពលរដ្ឋដែលសរសេរ ក្នុងលក្ខខណ្ឌមិនបញ្ចេញឈ្មោះបានលើកឡើងថា “យើងទទួលស្គាល់ថា ក្នុងឆាកនយោបាយអន្តរជាតិ អត្ថប្រយោជន៍នយោបាយ និងសេដ្ឋកិច្ច ជាញឹកញាប់មានទំងន់ក្នុងការសម្រេចចិត្ត”។ លោកបន្តថា “ទោះជាយ៉ាងណា សន្តិភាពអចិន្ត្រៃយ៍ ត្រូវបានស្ថាបនាឡើង លើគោលការណ៍យុត្តិធម៌ កិត្តិយស និងការគោរពកិច្ចព្រមព្រៀង ដែលមានសុពលភាព”។
ជាអ្នកការពារប្រព័ន្ធអន្តរជាតិ ឯកឧត្តមមានកាតព្វកិច្ចធានាថា ការប្តេជ្ញា ដែលបានធ្វើក្រោមកិច្ចព្រមព្រៀងអន្តរជាតិ ត្រូវបានគោរព មិនត្រូវបានចាត់ទុកថាជាជម្រើស។
ដូច្នេះ យើងខ្ញុំជាពលរដ្ឋខ្មែរ ដែលកំពុងរងការឈឺចាប់ដោយសារសង្រ្គាមឈ្លានពានរបស់ថៃ ម្តងជាពីរដង ជាបីដង និងរាប់មិនអស់ក្នុងប្រវត្តិសាស្រ្តរវាងប្រទេសយើងទាំងពីរ សូមអំពាវនាវឲ្យឯកឧត្តមប្រើប្រាស់ការចូលរួមការទូត ដោយមានភាពរឹងមាំ ប៉ុន្តែមានស្ថាបនភាព ដើម្បីជំរុញឲ្យប្រទេសថៃ បំពេញកាតព្វកិច្ចរបស់ខ្លួន និងចូលរួមក្នុងការរក្សាស្ថិរភាពតំបន់។
ការដឹកនាំដ៏សម្រេចចិត្តរបស់ឯកឧត្តម អាចជួយស្តារក្តីសង្ឃឹមដល់គ្រួសារកម្ពុជា ការពារសុខុមាលភាពកុមារ និងបញ្ជាក់ឡើងវិញថា “កិច្ចព្រមព្រៀងអន្តរជាតិ គឺជាមូលដ្ឋាននៃសន្តិភាព និងសហប្រតិបត្តិការពិភពលោក”។
ពេលវេលាធ្វើសកម្មភាពគឺឥឡូវនេះ។ ដោយឈរជាមួយគ្នា ក្នុងការការពារមនុស្សធម៌ និងច្បាប់អន្តរជាតិ ឯកឧត្តមនឹងបង្ហាញថា សន្តិភាព មិនមែនជាក្តីប៉ងប្រាថ្នាទេ ប៉ុន្តែជាកាតព្វកិច្ចរួម ជាគុណតម្លៃរូមដែលប្រជាជាតិលើពិភពលោកគួរទទួលបាន៕
