ដោយ: សហសេវិក
អន្តរជាតិ: តម្លៃប្រេងឆៅបានកើនឡើងនៅថ្ងៃចន្ទនេះ បន្ទាប់ពីក្រុមមន្ត្រីបានអះអាងថា សហរដ្ឋអាមេរិកបានស្ទាក់ចាប់នាវាដឹកប្រេងមួយគ្រឿងនៅក្នុងដែនទឹកអន្តរជាតិនៅឯនាយឆ្នេរសមុទ្រវេណេស៊ុយអេឡា ដែលបង្កើនភាពមិនប្រាកដប្រជាដល់ការផ្គត់ផ្គង់ប្រេងឆៅ។
ក្រុមមន្ត្រីបានទម្លាយប្រាប់ទីភ្នាក់ងារព័ត៌មាន Reuters ថា ឆ្មាំសមុទ្រសហរដ្ឋអាមេរិកកំពុងតាមប្រមាញ់កប៉ាល់ដឹកប្រេងមួយគ្រឿងនៅក្នុងដែនទឹកអន្តរជាតិជិតប្រទេសវេណេស៊ុយអេឡា។ ទោះជាយ៉ាងណា សេតវិមានមិនបានឆ្លើយតបភ្លាមៗចំពោះសំណើសុំការអត្ថាធិប្បាយនោះទេ។
តួយ៉ាង តម្លៃប្រេងឆៅ Brent futures បានកើនឡើង៥៧សេនដល់៦១,០៤ដុល្លារក្នុងមួយបារ៉ែល គិតត្រឹមម៉ោងសកល 0751 GMT ខណៈតម្លៃប្រេងឆៅ West Texas Intermediate របស់សហរដ្ឋអាមេរិកបានកើនឡើង៥៥សេន ដល់៥៧,០៧ដុល្លារក្នុងមួយបារ៉ែល៕
