ដោយ: សហសេវិក
អន្តរជាតិ: តម្លៃប្រេងឆៅបានកើនឡើងក្នុងការជួញដូរនៅថ្ងៃពុធនេះ ដោយសារការធ្លាក់ចុះនៃស្តុកប្រេងឆៅរបស់សហរដ្ឋអាមេរិក ខណៈក្រុមអ្នកវិនិយោគមានការព្រួយបារម្ភអំពីការដាក់ទណ្ឌកម្មរបស់សហរដ្ឋអាមេរិកលើការនាំចេញប្រេងឆៅរបស់ប្រទេសរុស្ស៊ី។
យោងតាមប្រភពព័ត៌មាន ដែលស្នើសុំមិនបញ្ចេញឈ្មោះ បានឱ្យដឹងថា ស្តុកប្រេងឆៅរបស់សហរដ្ឋអាមេរិកបានធ្លាក់ចុះចំនួន៤,០២លានបារ៉ែលកាលពីសប្តាហ៍មុន ខណៈស្តុកប្រេងសាំងបានធ្លាក់ចុះចំនួន៦,៣៥លានបារ៉ែល។ នេះមានន័យថា តម្រូវការថាមពលនៅអាមេរិកមានការកើនឡើង។
តួយ៉ាង តម្លៃប្រេងឆៅ Brent futures បានកើនឡើង២០សេនដល់៦៤,៦ដុល្លារក្នុងមួយបារ៉ែលគិតត្រឹមម៉ោងសកល 0203 GMT ខណៈតម្លៃប្រេងឆៅអាមេរិក West Texas Intermediate បានកើនឡើង១៨សេនដល់៦០,៣៣ដុល្លារក្នុងមួយបារ៉ែល៕
