ដោយៈ និស្ស័យ
បាត់ដំបងៈ ក្នុងគោលដៅបង្កើនការយល់ដឹង និងផ្សព្វផ្សាយដល់ភ្ញៀវទេសចរណ៍ជាតិ អន្តរជាតិ រដ្ឋបាលខេត្តបាត់ដំបងបានរៀបចំប្រជុំក្រុមការងារចងក្រងខ្លឹមសារប្រវត្តិរមណីយដ្ឋានភ្នំសំពៅ ស្រុកបាណន់។
កិច្ចប្រជុំបានប្រារពធ្វើនៅព្រឹក ថ្ងៃទី៦ ខែតុលា ឆ្នាំ២០២៥ ក្រោមអធិបតីភាព លោកសុខ លូ អភិបាល នៃគណៈអភិបាលខេត្តបាត់ដំបង បានអញ្ជើញដឹកនាំកិច្ចប្រជុំ។
គោលដៅនៃការចងក្រងខ្លឹមសារ ប្រវត្តិរមណីយដ្ឋានភ្នំសំពៅ ស្រុកបាណន់ ដើម្បីចងក្រងសម្រាប់ការដាក់តាំងបង្ហាញ ផ្សព្វផ្សាយដល់ភ្ញៀវទេសចរជាតិ និងអន្តរជាតិ ឱ្យបានសិក្សាយល់ច្បាស់ពីប្រវត្តិតំបន់រមណីយដ្ឋាន ប្រវត្តិសាស្ត្រភ្នំសំពៅនេះបានជាក់លាក់ បង្កើនការទាក់ទាញភ្ញៀវទេសចរទៅទស្សនាកំសាន្តបានច្រើន៕
