តម្លៃប្រេងឆៅលើទីផ្សារអន្តរជាតិបានធ្លាក់ចុះនៅថ្ងៃចន្ទនេះ

ដោយ: គង់ លាងហួរ
អន្តរជាតិ: តម្លៃប្រេងឆៅបានធ្លាក់ចុះក្នុងការជួញដូរនៅព្រឹកថ្ងៃចន្ទនេះ បន្ទាប់​ពី​តំបន់ Kurdistan របស់​អុីរ៉ាក់​បានចាប់ផ្តើមនាំ​ចេញ​ប្រេង​ឆៅឡើងវិញ​តាមរយៈ​ប្រទេស​តួកគី​កាល​ពី​ចុង​សប្តាហ៍មុន ហើយ​អង្គការនៃបណ្តាប្រទេសនាំចេញប្រេង (OPEC+) គ្រោងបន្តបង្កើនការផលិតប្រេង​ក្នុង​ខែ​វិច្ឆិកា។

អុីរ៉ាក់បាននាំចេញប្រេងឆៅកាលពីថ្ងៃសៅរ៍សប្តាហ៍មុនតាមរយៈបំពង់បង្ហូរប្រេងពីតំបន់ Kurdistan នៅភាគខាងជើងនៃប្រទេសនេះទៅកាន់ប្រទេសតួកគីជាលើកដំបូងក្នុងរយៈពេល២ឆ្នាំកន្លះ។

តួយ៉ាង តម្លៃប្រេងឆៅ Brent futures បានធ្លាក់ចុះ៣៤សេនមកនៅត្រឹម៦៩,៧៩ដុល្លារក្នុងមួយបារ៉ែលគិតត្រឹមម៉ោងសកល 0330 GMT ខណៈតម្លៃប្រេងឆៅអាមេរិក West Texas Intermediate បានធ្លាក់ចុះ៤៣សេនមកនៅត្រឹម៦៥,២៩ដុល្លារក្នុងមួយបារ៉ែល៕