ដោយ: គង់ លាងហួរ
អន្តរជាតិ: តម្លៃប្រេងឆៅបានកើនឡើងក្នុងការជួញដូរនៅព្រឹកថ្ងៃអង្គារនេះ ខណៈពេលការព្រួយបារម្ភអំពីការរំខានដល់ការផ្គត់ផ្គង់ប្រេងឆៅបានកើនឡើង ស្របពេលមានការកើនឡើងនៃជម្លោះរវាងប្រទេសរុស្ស៊ី និងប្រទេសអ៊ុយក្រែន។
ប្រទេសរុស្ស៊ី និងអ៊ុយក្រែនបានបង្កើនការវាយប្រហារគ្នាតាមផ្លូវអាកាសកាន់តែខ្លាំងឡើងក្នុងរយៈពេលប៉ុន្មានសប្តាហ៍ថ្មីៗនេះ។ ប្រទេសរុស្ស៊ីបានកំណត់គោលដៅលើប្រព័ន្ធថាមពល និងប្រព័ន្ធដឹកជញ្ជូនរបស់អ៊ុយក្រែន ខណៈអ៊ុយក្រែនបានវាយប្រហារលើរោងចក្រចម្រាញ់ប្រេងឆៅ និងបំពង់បង្ហូរប្រេងរបស់រុស្ស៊ី។
តួយ៉ាង តម្លៃប្រេងឆៅ Brent futures បានកើនឡើង៤០សេនដល់៦៨,៥៥ដុល្លារក្នុងមួយបារ៉ែលគិតត្រឹមម៉ោងសកល 0149 GMT ខណៈតម្លៃប្រេងឆៅអាមេរិក West Texas Intermediate បានកើនឡើង១,០៥ដុល្លារដល់៦៥,០៦ដុល្លារក្នុងមួយបារ៉ែល៕
