ដោយៈ សុផារី
កំពង់ស្ពឺៈ កំពង់ស្ពឺបានបើកឆាកលើទំព័រ វិនិយោគទុនដំបូងប្រចាំឆ្នាំ២០២២ ដោយបានទាក់ទាញគម្រោងវិនិយោគមួយ ដែលមានតម្លៃ៥ លានដុល្លារ តែអាចផ្តល់ការងារដល់ កម្មករ កម្មការនី ជិត២០០០នាក់។
ក្រុមប្រឹក្សាអភិវឌ្ឈន៍កម្ពុជា បានអះអាង កាលពីរសៀលថ្ងៃទី៦ ខែ មករា ឆ្នាំ ២០២១ ថា តាមសំណើសុំវិនិយោគ លើគម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន XIN HONGRUI (CAMBODIA) GARMENT CO., LTD គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជី គម្រោងវិនិយោគ ជូនដល់ក្រុមហ៊ុនខាងលើ។
ប្រភពដដែលបានបន្តថា គម្រោងនេះ មានទីតាំងវិនិយោគស្ថិតនៅភូមិត្រពាំងខ្យង ឃុំទួលអំពិល ស្រុកបរសេដ្ឋ ខេត្តកំពង់ស្ពឺ មានទុនវិនិយោគប្រមាណ៥លានដុល្លារ និងអាចបង្កើតការងារបាន១.៨៤៧កន្លែង៕
